Харвацкі гістарычны музэй

Харвацкі гістарычны музэй
па-харвацку: Hrvatski povijesni muzej
Месцазнаходжаньне	Загрэб, Харватыя
Адрас	Харватыя: Загрэб, вул. Маташэва, 9
Велічыня калекцыі	300 000
Створаны	1846 г.
Дырэктар	Анкіца Панджыч
Геаграфічныя каардынаты	45°48′57″ пн. ш. 15°58′21″ у. д.
Харвацкі гістарычны музэй на мапе Харватыі Харвацкі гістарычны музэй
hismus.hr/en (харв.)​ (анг.)

Харвацкі гістарычны музэй (па-харвацку: Hrvatski povijesni muzej) — дзяржаўны гістарычны музэй у сталіцы Харватыі Загрэбе; значны збор прадметаў і матэрыялаў па харвацкай гісторыі, навукова-дасьледчы і культурны цэнтар краіны.

Агульная інфармацыя

Будынак музэю — палац Войкавіч-Оршыч-Раўх (Vojković-Oršić-Rauch), адзін з самых каштоўных помнікаў архітэктуры барока ў Загрэбе і ўсёй краіне, быў узьведзены напрыканцы XVIII стагодзьдзя. На працягу гісторыі палац быў сямейным гняздом некалькіх шляхетных харвацкіх сем’яў, не раз мяняў уладальнікаў, пакуль у 1930-х гадах горад не набыў будынак у апошняга прыватнага ўласьніка. Пасьля ў будынку знаходзілася рэзыдэнцыя мэра Загрэба, а з 1959 году — частка Харвацкага гістарычнага музэю.

Рэжым працы музэйнай установы:

з панядзелка па пятніцу — з 10.00 да 18.00;

па суботах і нядзелях — з 10.00 да 13.00;

зачынены на сьвяты і ў сьвяточныя дні.

Гісторыя

Харвацкі гістарычны музэй у Заграбе лічыцца правапераемнікам Нацыянальнага музэю Харватыі, заснаванага ў 1846 годзе.

У 1959 годзе ў палацы Войкавіч-Оршыч-Раўх разьмясціўся Гістарычны музэй Харватыі. Разам з незалежнасьцю Харватыі ў 1991 годзе быў аб’яднаны з Музэем Рэвалюцыі (Muzej revolucije naroda Hrvatske), пасьля зьявілася новая музэйная ўстанова — Харвацкі гістарычны музэй, які з тых часоў зьяўляецца галоўным гістарычным музэем краіны.

Акрамя барочнага палаца на вул. Матошава, частка экспазыцыі Харвацкага гістарычнага музэю разьмешчана ў павільёне Мештравіча (па-харвацку: Meštrovićev paviljon); музэй, акрамя таго, мае бібліятэку, дзе ажыццяўляецца навукова-дасьледчую і выдавецкая дзейнасьць. Музэйная ўстанова кіруе філіялам — мэмарыяльным музэем Івана Горана Кавачыча ў сяле Лукаўдол (Lukovdol) у Горскім Котары (Прыморска-Горанская жупанія).

Экспазыцыі

Фонды Харвацкага гістарычнага музэю налічваюць больш за 200 000 экспанатаў. Музэйныя калекцыі ўключаюць 15 аддзелаў:

• збор дакумэнтаў № 1;
• збор дакумэнтаў № 2;
• калекцыя твораў мастацтва ХХ стагодзьдзя;
• сакральны збор;
• збор фотаздымкаў, стужак і нэгатываў;
• гэральдычна-сфрагістычная калекцыя;
• калекцыя халоднай зброі;
• калекцыя каменных помнікаў, нумізматыкі і археалягічных артэфактаў;
• калекцыя узнагарод, мэдалёў, ганаровых знакаў і значкоў;
• збор прадметаў побыту;
• калекцыя твораў жывапісу, графікі і скульптуры;
• зьмяшаная калекцыя;
• калекцыя агнястрэльнай зброі;
• збор сьцягоў;
• калекцыі форменнай вопраткі.

Вонкавыя спасылкі

Харвацкі гістарычны музэй — сховішча мультымэдыйных матэрыялаў